Björgunarsveitir leita að ökumanni og farþegum stolinnar bifreiðar

Uppfært klukkan 10:41:

Lögreglan á Sauðárkróki óskar eftir upplýsigum ef einhverjir vegfarendur hafi komið fólki til aðstoðar í nótt eða morgun eða öllum öðrum upplýsingum kunna að skipta máli við leitina að rannsókn málsins í síma 893-0709 eða 112.

---

Fimm björgunarsveitir úr Austur-Húnavatnssýslu og Skagafirði hafa verið kallaðar út til að leita að ökumanni bifreiðar sem fannst mannlaus í gangi á Laxárdalsheiði við Sauðárkrók.

Fljótlega kom í ljós að bifreiðinni hafði verið stolið á Sauðarkróki í nótt, en afdrif ökumanns og hugsanlegra farþega eru fyllilega óljós á þessari stundu. Samkvæmt tilkynningu frá Slysavarnafélaginu Landsbjörgu er ekki víst hvort þeim sé hætta búin á heiðinni eða hvort þau hafi fengið far með annarri bifreið.

Bifreiðin fannst mannlaus af starfsmönnum Vegagerðarinnar sem voru að ryðja hana vegna ófærðar.