Rekur sverð í gegnum töfrakonuna Viktoríu

Í meðfylgjandi myndbroti má sjá atriði úr sjónvarpsþáttunum Töfrahetjurnar sem eru á dagskrá Stöðvar 2 á föstudögum.

Í myndbrotinu býður töframaðurinn Einar Mikael upp á magnaða sjónhverfingu með hjálp töfrakonunnar Viktoríu.

Viktoría bregður sér í kassa sem Einar Mikael þjappar saman þannig að hann verður afar lítill að stærð og rekur svo sverð í gegnum kassann. 

Í lok atriðsins kemur í ljós að það er allt í lagi með hana Viktoríu en ekki fylgir sögunni hvernig þetta ótrúlega atriði er framkvæmt.