Paris Handball er einu stigi frá toppsæti frönsku úrvalsdeildarinnar eftir sigur á Nimes á útivelli í kvöld.
Parísarmenn unnu örugglega, 29-22, en Róbert Gunnarsson var einn markahæstu leikmanna liðsins með fimm mörk úr jafn mörgum tilraunum. Ásgeir Örn Hallgrímsson skoraði þrjú mörk úr fjórum skotum.
Dunkerque er sem fyrr á toppi deildarinnar en liðið er með 31 stig og á einn leik til góða á Paris, sem kemur næst með 30 stig. Nimes er í níunda sætinu með nítján stig.
París nálgast toppinn
