Segir höfund Rocky Horror föður sinn Adda Soffía Ingvarsdóttir skrifar 25. nóvember 2014 09:00 Margrét í hlutverki Riff Raff. mynd/einkasafn „Mamma og vinkona hennar fóru til London í byrjun árs 1997 og þar hitti mamma Richard O'Brien, höfund Rocky Horror, en hann lék einmitt Riff Raff í myndinni,“ segir Margrét Vera Mánadóttir. Hún vill meina, samkvæmt því sem móðir hennar segir, að O'Brien sé faðir hennar.„Ég er búin að reyna að ná sambandi við hann en fæ engin svör. Mamma segir að það sé gagnslaust að reyna, en mig langar að reyna að ná sambandi við hann,“ segir hún. Fjölskylda hennar vissi strax að það þýddi lítið að reyna að hafa samband við hann. Hann hafi passað að skilja ekki eftir neina slóð eftir þessi skyndikynni. Þessa dagana er Margrét einmitt að æfa fyrir sýninguna Rocky Horror, sem leikfélag Menntaskóla Borgarfjarðar setur upp. Sýningar fara fram í húsakynnum skólans í Borgarnesi. Þar fer hún með hlutverk Riff Raff, sama hlutverk og meintur faðir hennar sló í gegn í fyrir fjörutíu árum.Richard O'Brien.vísir/getty„Ég var ekkert smá glöð að fá að vita að ég fengi þetta hlutverk,“ segir hún. Aðspurð hvort fólk haldi ekki bara að þetta sé uppspuni hjá henni, segir hún svo ekki vera þótt einhverjir trúi henni ekki. „Þetta er auðvitað mjög skrítið. Ég hef haldið þessu frekar leyndu, en eftir að ég var valin í hlutverkið þá fór þetta að spyrjast út,“ segir Margrét og bætir við að flestir taki vel í þetta. Margrét hefur alltaf haft gaman af því að leika og hefur verið að leika frá því hún var lítil. Henni finnst líklegt að leiklistarbakterían komi frá meintum föður hennar. „Afi var eitthvað að leika en annars enginn í fjölskyldunni nema ég. Mér finnst þetta svo ótrúlega skemmtilegt og draumurinn er að fara út að læra leiklist,“ segir Margrét og telur líklegt að London verði fyrir valinu. Hún segist ekki gera sér miklar vonir um að hitta „föður“ sinn nokkurn tímann en leyfir sér að dreyma um að hann komi að horfa á hana leika sama hlutverk og hann sló í gegn í. „Ef einhver þekkir til hans eða gæti hjálpað mér að komast í samband við hann þá væri ég mjög þakklát,“ segir Margrét. Þeir sem vilja berja meinta laundóttur O‘Brien augum, geta mætt á frumsýningu leikritsins næstkomandi föstudag.Uppfært: Saga Margrétar reyndist vera útsmogið grín af hálfu leikfélags Menntaskóla Borgarfjarðar. Richard O'Brien er ekki faðir Margrétar heldur Kristófer Máni Hraundal. Frásögn af kynnum O'Brien og móður Margrétar, Guðrúnar Smáradóttur, er heldur ekki rétt. Þá var O'Brien í upphaflegu fréttinni sagður samkynhneigður. Það hefur einnig verið leiðrétt. Mest lesið Albert og Guðlaug saman í fríi á Ibiza Lífið Vægar viðreynslur en engir pervertar Lífið Byggir á viðskiptamódeli bandarískrar trúboðsstöðvar Lífið Beckham á spítala Lífið Áslaug selur glæsiíbúð í Reykjavík Lífið Kyana og Viktor giftu sig undir berum himni Lífið Martin Österdahl hættir hjá Eurovision Lífið F1: The Movie frumsýnd í Egilshöll – sjáðu myndirnar Lífið samstarf Rúrik mætti með kærustuna í brúðkaupið Lífið Laxveiði í net á góðum sumardegi 1993 í Óseyrarnesi Menning Fleiri fréttir Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Sjá meira
„Mamma og vinkona hennar fóru til London í byrjun árs 1997 og þar hitti mamma Richard O'Brien, höfund Rocky Horror, en hann lék einmitt Riff Raff í myndinni,“ segir Margrét Vera Mánadóttir. Hún vill meina, samkvæmt því sem móðir hennar segir, að O'Brien sé faðir hennar.„Ég er búin að reyna að ná sambandi við hann en fæ engin svör. Mamma segir að það sé gagnslaust að reyna, en mig langar að reyna að ná sambandi við hann,“ segir hún. Fjölskylda hennar vissi strax að það þýddi lítið að reyna að hafa samband við hann. Hann hafi passað að skilja ekki eftir neina slóð eftir þessi skyndikynni. Þessa dagana er Margrét einmitt að æfa fyrir sýninguna Rocky Horror, sem leikfélag Menntaskóla Borgarfjarðar setur upp. Sýningar fara fram í húsakynnum skólans í Borgarnesi. Þar fer hún með hlutverk Riff Raff, sama hlutverk og meintur faðir hennar sló í gegn í fyrir fjörutíu árum.Richard O'Brien.vísir/getty„Ég var ekkert smá glöð að fá að vita að ég fengi þetta hlutverk,“ segir hún. Aðspurð hvort fólk haldi ekki bara að þetta sé uppspuni hjá henni, segir hún svo ekki vera þótt einhverjir trúi henni ekki. „Þetta er auðvitað mjög skrítið. Ég hef haldið þessu frekar leyndu, en eftir að ég var valin í hlutverkið þá fór þetta að spyrjast út,“ segir Margrét og bætir við að flestir taki vel í þetta. Margrét hefur alltaf haft gaman af því að leika og hefur verið að leika frá því hún var lítil. Henni finnst líklegt að leiklistarbakterían komi frá meintum föður hennar. „Afi var eitthvað að leika en annars enginn í fjölskyldunni nema ég. Mér finnst þetta svo ótrúlega skemmtilegt og draumurinn er að fara út að læra leiklist,“ segir Margrét og telur líklegt að London verði fyrir valinu. Hún segist ekki gera sér miklar vonir um að hitta „föður“ sinn nokkurn tímann en leyfir sér að dreyma um að hann komi að horfa á hana leika sama hlutverk og hann sló í gegn í. „Ef einhver þekkir til hans eða gæti hjálpað mér að komast í samband við hann þá væri ég mjög þakklát,“ segir Margrét. Þeir sem vilja berja meinta laundóttur O‘Brien augum, geta mætt á frumsýningu leikritsins næstkomandi föstudag.Uppfært: Saga Margrétar reyndist vera útsmogið grín af hálfu leikfélags Menntaskóla Borgarfjarðar. Richard O'Brien er ekki faðir Margrétar heldur Kristófer Máni Hraundal. Frásögn af kynnum O'Brien og móður Margrétar, Guðrúnar Smáradóttur, er heldur ekki rétt. Þá var O'Brien í upphaflegu fréttinni sagður samkynhneigður. Það hefur einnig verið leiðrétt.
Mest lesið Albert og Guðlaug saman í fríi á Ibiza Lífið Vægar viðreynslur en engir pervertar Lífið Byggir á viðskiptamódeli bandarískrar trúboðsstöðvar Lífið Beckham á spítala Lífið Áslaug selur glæsiíbúð í Reykjavík Lífið Kyana og Viktor giftu sig undir berum himni Lífið Martin Österdahl hættir hjá Eurovision Lífið F1: The Movie frumsýnd í Egilshöll – sjáðu myndirnar Lífið samstarf Rúrik mætti með kærustuna í brúðkaupið Lífið Laxveiði í net á góðum sumardegi 1993 í Óseyrarnesi Menning Fleiri fréttir Stefnir á sigur í stærstu kokkakeppni heims Áslaug selur glæsiíbúð í Reykjavík Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Sjá meira