Samstarfsmenn slógust á árshátíð á Selfossi

Tiil harkalegra slagsmála kom á milli tveggja manna á Hótel Selfossi um klukkan hálf þrjú, en þeir voru báðir gestir á hótelinu. Samferðafólk mannanna hringdi á lögreglu sem kom á vettvang eftir nokkrar mínútur, en þá var þolandinn kominn út, alblóðugur í framan og illa til reika.

Hann var þegar fluttur á sjúkarhúsið þar sem sauma þurfti sautján spor í nokkra skurði á höfði hans. Að því loknu var hann fluttur aftur á hótelið þar sem hann gekk til náða, en árásarmaðurinn var yfirheyrður og fékk að því loknu að sofa úr sér á hótelinu líka. Engin kæra hefur verið lögð fram vegna málsins, enn sem komið er.