Lögreglan lýsir eftir Gunnari Loga

Lögreglan á höfuðborgarsvæðinu lýsir eftir Gunnari Loga Jóhannesi Logasyni en ekkert er vitað um ferðir hans síðan mánudaginn 30. desember.

Gunnar Logi er 29 ára gamall. Hann er dökkhærður og 186 cm á hæð. Hann hefur yfir að ráða bifreiðinni UY-579, sem er svört Toyota Avensis, árgerð 1998. Lýst var eftir bifreiðinni í gær og fannst hún á Kjalarnesi í nótt.

Björgunarsveitir Slysavarnarfélagsins Landsbjargar og þyrla Landhelgisgæslunnar leita nú Gunnars Loga auk lögreglunnar.

Þeir sem geta gefið upplýsingar um ferðir Gunnars eru vinsamlegast beðnir um að hafa samband við lögregluna í síma 444-1000. Upplýsingum má einnig koma á framfæri í tölvupósti á netfangið abending@lrh.is eða í einkaskilaboðum á Facebook-síðu lögreglunnar.