Flestar brekkur opnar í dag

Prýðilegt skíðafæri hefur verið víða um land undanfarna daga og voru flest skíðasvæði opin í dag.

Í Hlíðarfjalli var opið frá 10 til 16 og veður frábært samkvæmt tilkynningu. Sömuleiðis var opið til 16 í Tindastól og þar sagður mikill og góður snjór.

Skíðafæri var misjafnt við höfuðborgarsvæðið, opið var í Skálafelli þó kalt væri en lokað í Bláfjöllum vegna roks.

Þá var opið í Tungudal og Seljalandsdal og boðið upp á kaffi og safa við lyftur líkt og aðra sunnudaga.