Lífið

Trúlofaður í alvörunni

Lilja Katrín Gunnarsdóttir skrifar
Leikarinn Charlie Sheen, 48 ára, bað kærustu sinnar, fyrrverandi klámmyndastjörnunnar Brett Rossi, 24 ára, á föstudag, Valentínusardaginn. Bað hann hennar á Havaí og tístaði síðan um bónorðið.

Stutt er síðan Charlie og Brett dvöldu á Íslandi og göbbuðu alheiminn með því að setja mynd af sér á Twitter fyrir utan Höfða með þeim fréttum að þau hefðu gift sig á Íslandi. Nokkrum dögum síðar kom í ljós að það var ekki satt.

Ef skötuhjúin láta verða af því að ganga upp að altarinu verður þetta fjórða hjónaband Charlies. Hann kvæntist fyrirsætunni Donnu Peele árið 1995 og entist hjónabandið í ár. Síðan kvæntist hann Denise Richards árið 2002 en þau skildu tveimur árum seinna. Á árunum 2008 til 2011 var hann kvæntur Brooke Mueller.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.