Sölvi Fannar hitti afmynduðu tvíburana

Sölvi Fannar Viðarsson, 43 ára,  framkvæmdastjóri, leikari, einkaþjálfari, fyrirlesari, rithöfundur, ljóðskáld, tónlistarmaður og dansari er nýkominn frá Cannes í Frakklandi en þar hitti hann heimsfrægu Bogdanoff bræður.

Sölvi spjallaði við okkur um tvíburana sem eru gjörbreyttir í útliti eftir fjölda lýtaaðgerða eins og sjá má.  Þá birtum við með leyfi Sölva nokkrar skemmtilegar myndir úr ferðalaginu.

„Igor og Grichka Bogdanoff eru franskir leikarar. Þeir voru eitt sinn með eigin sjónvarpsþátt í frönsku sjónvarpi og bræddu hjörtu margra með því að vera bæði heillandi og fallegir. Einhverra hluta vegna hófu þeir að fara í lýtaaðgerðir og virðast hafa gengið aðeins of hratt um þær gleðinnar dyr. Engu að síður er það mín skoðun að við höfum fullan rétt til þess að gera við okkur það sem okkur sýnist - tileinka okkur eitthvað nýtt eða sjá að baki gömlu, hvort sem er tilfinningalega, líkamlega, útlitslega eða annað, þó helst ekki þannig það hafi neikvæð áhrif á aðra,“ segir Sölvi og heldur áfram: 

Greindi strax innri styrk

„Margir halda því fram að leikarar og aðrir listamenn þurfi að eiga aðgang að ákveðnum innri styrk til þess að ná árangri til þess að byrja með.  Hjá Igor og Grichka greinir maður strax innri styrk, einhvers konar hlýju, sem streymir frá þeim enda eru þeir ennþá mjög heillandi á sinn hátt þótt ég sé fullviss um að mér myndi persónulega þykja þeir fallegri hefðu þeir sleppt því að fara í einhverjar útlitsbreytandi aðgerðir.„

Kannski má nota þetta tækifæri til þess að benda fólki á frábæra bók, sem einnig er til sem hljóðbók og heitir Psycho Cybernetics en hún er einmitt skrifuð af lýtalækninum Maxwell Malts, sem nú er látinn. Þar heldur hann því fram að þeim mun lengur sem hann vann sem lýtalæknir þeim mun fleiri sjúklinga hafi hann útskrifað án þess að þeir færu nokkurn tímann í aðgerð hjá honum. Þau sem hafa lesið þessa bók að mínu ráði hafa alla vega öll talað um hversu mögnuð hún er. Malts rekur, meðal annars sögu aðila sem hafa beinlínis framið sjálfsmorð vegna útlitlslegra einkenna, kemur inn á einelti, jafnt á vinnstöðum sem og annars staðar og fjölmargt annað og er í alla staði mjög forvitnileg og fróðleg bók," segir Sölvi.

Hér má lesaljóð eftir Sölva.

Síðan hans Sölva á IMDB.