Landskeppni Íslands og Kína stendur sem hæst

Seinni hálfleikur í landskeppni Íslands og Kína í skák hófst núna klukkan eitt í Arion Banka í Borgartúni. Lið Kínverja er vel skipað og höfðu þeir góða forystu þegar einvígin hófust í dag.

Úr röðum Íslendinga hefur Hjörvar Steinn Grétarsson staðið sig best en hann er með fimmtíu prósent vinningshlutfall.

Staðan í hálfleik var 10.5 gegn 25.5.

Kínverjar eru engir aukvisar í skáklistinni en þeir hafa á að skipa þriðja sterkasta landslið heimsins í kaflaflokki og því sterkasta í kvennaflokki. Keppnin stendur til fimm í dag og eru áhorfendur velkomnir í Arion Banka í Borgartúni.