Vegfarendur komu hjónum til bjargar

Hjón voru hætt komin þegar bíll þeirra valt 40 metra niður gil við Bröttubrekku fyrr í dag. Bifreiðin hafnaði þar í á. Samkvæmt upplýsingum frá lögreglunni í Borgarnesi voru það vegfarendur sem komu farþegum bílsins til bjargar.

Þeir höfðu samband við neyðarlínuna áður en þau fóru niður í gilsbotninn og drógu fólkið út úr bílnum.

Hjónin voru flutt með sjúkrabíl til Reykjavíkur þar sem þeim var komið undir læknishendur á Landspítalanum í Fossvogi. Hjónin voru með meðvitund þegar hjálp barst á vettvang við Bröttubrekku.

Samkvæmt upplýsingum frá vaktahafandi lækni á bráðamóttöku er líðan hjónanna ágæt miðað við aðdragandann