Dömpað í gegnum símann

Undur og stórmerki gerðust í raunveruleikaþættinum What Would Ryan Lochte Do? á dögunum en þættirnir fylgja Ólympíuhafanum Ryan Lochte eftir.

Ryan, sem er margverðlaunaður sundkappi, var úti að borða með vinum sínum þegar kærasta hans til fjögurra ára, Jaime Hollier, hringdi í hann. Samband þeirra hefur verið stormasamt en eftir nokkrar mínútur rak Ryan myndatökumenn í burtu og tók af sér hljóðnemann á meðan hann talaði við Jaime.

Þegar hann var tilbúinn að tala aftur við þáttagerðarmennina kom í ljós að Jaime hafði hringt í hann til að segja honum upp. Nú taka eflaust margar stúlkur gleði sína en Ryan lýsti eitt sinn draumastúlkunni sinni í tímaritinu Cosmopolitan.

“Ég vil að hún sé sjálfstæð. Ég vil besta vin og elskhuga. Og hún verður að láta mig hlæja. Ég fíla fólk sem er sama um álit annarra.”

Dragðu Tarotspil dagsins hér.