Fjallmenn Gnúpverja skiptast í afstöðu til Norðlingaölduveitu

Sumir vilja virkja sem mest meðan aðrir segja nóg komið. Svo ólíkar eru skoðanir fjallmanna Gnúpverja um Norðlingaölduveitu en fáir þekkja Þjórsárver betur en þeir.

Fjalldrottningin Lilja Loftsdóttir segir áformin ekki sækja illa að sér. Hún hefur frá unglingsárum smalað Þjórsárver á hverju hausti, farið um Norðlingaöldu og niður með fossaröðinni í efri Þjórsá en í ferð Stöðvar 2 með gangnamönnum um Gnúpverjaafrétt voru nokkrir þeirra inntir álits á nýjustu áformum Landsvirkjunar um Norðlingaölduveitu.

Lilja tók fram að sér hafi ekki litist á fyrri hugmyndir um tilhögun veitunnar. Núna væri talað um að raska litlu svæði en ekki gróðurlendi Þjórsárvera. Í meðfylgjandi frétt Stöðvar 2 má sjá að skoðanir fjallmanna eru mjög skiptar.