Borað eftir gulli í Þormóðsdal á næsta ári

Breska fyrirtækið NAMA stóð fyrir rannsóknum á jarðvegssýnum úr Þormóðsdal frá árunum 2006 og 2007. Niðurstöðurnar staðfesta það sem menn vissu áður að talsvert gull er í jarðveginum. Fyrr í ár mældust allt að 400 grömm af gulli í hverju tonni af jarðvegi.

Vilhjálmur Þór Vilhjálmsson, framkvæmdastjóri NAMA, segir að borað verði í dalnum á næsta ári. „Núna er verið að gera áætlanir um næstu skref og frekari rannsóknir. Verið er að undirbúa boráætlun og sækja um leyfi. Þetta er skemmtilegt verkefni,“ segir Vilhjálmur.