Eins og fiðrildi upp Esjuna Óskar Ófeigur Jónsson skrifar 1. mars 2013 07:30 Aníta Hinriksdóttir sést hér hlaupa í Laugardalshöllinni. Mynd/Vilhelm ÍR-ingurinn Aníta Hinriksdóttir verður í sviðsljósinu í dag á fyrsta degi á Evrópumeistaramóti fullorðinna í Gautaborg. Hún hefur sett hvert Íslandsmetið á fætur öðru á þessu innanhússtímabili og er eini íslenski frjálsíþróttamaðurinn sem náði lágmörkum inn á mótið og það í tveimur greinum. Martha Ernstsdóttir, margfaldur Íslandsmethafi í langhlaupum, fór á mörg stórmót á sínum tíma og ætti að geta gefið frænku sinni góð ráð en Aníta er dóttir systur hennar, Bryndísar Ernstsdóttur. „Mér líst bara vel á þetta hjá henni. Ég hugsa að hún setji þetta mót upp fyrst og fremst til að hafa gaman af þessu, bæta sig og fá reynslu. Ég get ímyndað mér að það sé hennar markmið. Hún er að fara í alvöruna og fær rosalega góða keppni. Hún er enn þá unglingur og er bara að fara út til að ná sér í reynslu og svona. Hún er mjög góð í þessu og lætur það ekki trufla sig þótt að það séu einhverjir sem eru betri en hún. Hún fer, gerir sitt og hleypur sitt hlaup. Það er hennar mesti kostur," segir Martha.Með níunda besta tímann Sautján keppendur eru skráðir í greinina og er besti tími Anítu, 2:03.27 mínútur, níundi besti tíminn. Hin breska Jennifer Meadows á besta tímann sem 1:58.43 mínútur. Martha var í sömu sporum og frænka hennar fyrir 23 árum. „Ég man eftir mínu fyrsta móti en það var Evrópumeistaramót 1990 og var reyndar utanhúss. Ég var ekki einu sinni byrjuð að hlaupa fyrir alvöru á hennar aldri og var þá bara að hlaupa úti og leika mér. Ég byrjaði ekki fyrr en seinna. Ég var sennilega 25 ára og orðin móðir og allt hvað eina þegar ég fór á mitt fyrsta stórmót," segir Martha. Aníta hefur verið að bæta Íslandsmetið keppnislaust en það er hætt við því að það verði þrengra um hana á brautinni í Gautaborg í dag. „Þetta er innanhúss, hringurinn er bara 200 metrar og það eru fleiri keppendur. Það má alveg reikna með því að það verði stympingar. Það er bara að fara af stað og gera sitt besta. Hún mun örugglega gera það og ég hef fulla trú á því," segir Martha. Aníta hefur verið spör á viðtöl við fjölmiðla og látið verkin tala á hlaupabrautinni. Áhuginn á henni er þó mikill enda stelpan að gera frábæra hluti og fyrir löngu komin í sérflokk meðal millivegahlaupara á Íslandi.Gaman að fylgjast með henni „Það er rosalega gaman að fylgjast með henni en við fjölskyldan hennar viljum stilla þessu í hóf og vera ekki að ýta undir of miklar væntingar og passa upp á utanaðkomandi pressu. Við viljum leyfa henni að þroskast sem heilbrigðum unglingi. Þá eru meiri líkur á að þetta gangi þannig að hún finni ekki alltaf fyrir þessari ofboðslegu pressu því það getur bara eyðilagt óharðnaðan venjulega ungling," segir Martha og bætir við: „Ef við ætlum að leyfa henni að þroskast þá getum við ekki endalaust verið með væntingar til hennar. Hún þarf að fá að þroskast sem íþróttamaður og þarf að læra að takast á við athyglina. Hún er bara nýorðin sautján ára gömul," segir Martha. Aníta hefur æft frjálsar íþróttir hjá ÍR frá tíu ára aldri, fyrst í stað undir stjórn Harðar Gunnarssonar, þar sem hún æfði allar greinar frjálsíþrótta, en eftir því sem sérhæfð þjálfun hefur aukist síðustu tvö ár hefur Gunnar Páll Jóakimsson einnig komið að þjálfun Anítu og er nú hennar aðalþjálfari og fylgir henni til Gautaborgar. Martha vill að blaðamenn passi upp á efnilegustu hlaupakonu landsins og leyfi henni að forðast athyglina vilji hún það sjálf. „Ég vil endilega ítreka það að menn virði það við hana. Við höfum séð svo oft mikið af efnilegum unglingum sem hafa verið blásnir of mikið upp. Það er mjög erfitt að fá svona pressu á sig sem óharðnaður unglingur og getur alveg bugað hvern sem er. Við fjölskyldan og þjálfararnir líka erum öll mjög upptekin við að vera vakandi fyrir þessu og leyfa henni bara að vera eðlilegur unglingur sem kann að hlaupa," segir Martha. Mörg mót eru fram undan hjá Anítu en aðalmarkmiðið er þó líklega að vera í fremstu röð á heimsmeistaramóti 17 ára og yngri í Donetsk í Úkraínu og á Evrópumeistaramóti 19 ára og yngri í Rieti á Ítalíu.Blés ekki úr nös Martha sá þó snemma hæfileikana hjá stelpunni enda búin að fylgjast með henni frá barnæsku. „Þegar við vorum að fara með hana sem krakkann okkar upp á Esju eða eitthvað annað þá flaug hún áfram. Það var bara eins og fiðrildi sem flaug áfram og blés ekki úr nös. Það var alveg greinilegt að hún var með þetta. Hún er líka mjög einbeitt og leggur sig fram. Það skilar sér," segir Martha. Aníta hefur keppni í undanrásum klukkan fimm í dag. „Hún verður í sviðsljósinu um helgina og Darri sonur minn verður úti í Gautaborg og ætlar að horfa á frænku sína. Þetta verður bara gaman. Þetta verður góð reynsla fyrir hana og hún er í góðum höndum hjá sínum þjálfara," sagði Martha að lokum. Frjálsar íþróttir Mest lesið Reka 200 manns eftir tapið fyrir Tottenham Enski boltinn Boxari lést tveimur vikum eftir að hafa gift sig Sport Frakkar sjokkeraðir vegna hópsins sem kemur til Íslands Fótbolti Uppgjörið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn Skandall skekur sigursælasta liðið fyrir stærsta kappakstur ársins Sport Uppgjörið: Haukar - Valur 22-29 (0-2) | Skellt í lás í seinni Handbolti Fyrrverandi leikmaður Man. Utd hlaut fjórtán mánaða dóm Enski boltinn Klopp snýr aftur á Anfield Enski boltinn Finnur fyrir miklum létti: „Algjört andlegt rugl“ Körfubolti Eru klárlega með gæði til að spila í efstu deild Þýskalands Körfubolti Fleiri fréttir „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ „Við þurfum hjálp frá Guði“ „Við erum með gríðarlega sterka liðsheild“ McTominay og Lukaku tryggðu Napoli titilinn „Er til eitthvað sem heitir sjöundi gír?“ „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Uppgjörið: Haukar - Valur 22-29 (0-2) | Skellt í lás í seinni Gæti hætt við að fara til Man Utd eftir tapið gegn Tottenham Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þriggja leikja banns Stefáns gagnrýnt: „Aldrei reynt að meiða neinn“ Skandall skekur sigursælasta liðið fyrir stærsta kappakstur ársins Klopp snýr aftur á Anfield Reka 200 manns eftir tapið fyrir Tottenham Fyrrverandi leikmaður Man. Utd hlaut fjórtán mánaða dóm Sylvía snýr aftur með nýliðunum: „Hefur verið nauðsynlegur tími fyrir mig“ Blóðgaði dómara Var ekki nógu ánægður með Trent Breiðablik og Valur vonast eftir Disney-ævintýri Eru klárlega með gæði til að spila í efstu deild Þýskalands Frakkar sjokkeraðir vegna hópsins sem kemur til Íslands Þeir bestu (6. sæti): Mókollur, Uxi og sumarið 1995 Toney í enska hópnum en enginn úr Man. Utd Tók við MVP-styttunni og skoraði svo 38 stig Finnur fyrir miklum létti: „Algjört andlegt rugl“ Þjálfari Íslendingaliðsins í veikindaleyfi eftir yfirliðið Sjá meira
ÍR-ingurinn Aníta Hinriksdóttir verður í sviðsljósinu í dag á fyrsta degi á Evrópumeistaramóti fullorðinna í Gautaborg. Hún hefur sett hvert Íslandsmetið á fætur öðru á þessu innanhússtímabili og er eini íslenski frjálsíþróttamaðurinn sem náði lágmörkum inn á mótið og það í tveimur greinum. Martha Ernstsdóttir, margfaldur Íslandsmethafi í langhlaupum, fór á mörg stórmót á sínum tíma og ætti að geta gefið frænku sinni góð ráð en Aníta er dóttir systur hennar, Bryndísar Ernstsdóttur. „Mér líst bara vel á þetta hjá henni. Ég hugsa að hún setji þetta mót upp fyrst og fremst til að hafa gaman af þessu, bæta sig og fá reynslu. Ég get ímyndað mér að það sé hennar markmið. Hún er að fara í alvöruna og fær rosalega góða keppni. Hún er enn þá unglingur og er bara að fara út til að ná sér í reynslu og svona. Hún er mjög góð í þessu og lætur það ekki trufla sig þótt að það séu einhverjir sem eru betri en hún. Hún fer, gerir sitt og hleypur sitt hlaup. Það er hennar mesti kostur," segir Martha.Með níunda besta tímann Sautján keppendur eru skráðir í greinina og er besti tími Anítu, 2:03.27 mínútur, níundi besti tíminn. Hin breska Jennifer Meadows á besta tímann sem 1:58.43 mínútur. Martha var í sömu sporum og frænka hennar fyrir 23 árum. „Ég man eftir mínu fyrsta móti en það var Evrópumeistaramót 1990 og var reyndar utanhúss. Ég var ekki einu sinni byrjuð að hlaupa fyrir alvöru á hennar aldri og var þá bara að hlaupa úti og leika mér. Ég byrjaði ekki fyrr en seinna. Ég var sennilega 25 ára og orðin móðir og allt hvað eina þegar ég fór á mitt fyrsta stórmót," segir Martha. Aníta hefur verið að bæta Íslandsmetið keppnislaust en það er hætt við því að það verði þrengra um hana á brautinni í Gautaborg í dag. „Þetta er innanhúss, hringurinn er bara 200 metrar og það eru fleiri keppendur. Það má alveg reikna með því að það verði stympingar. Það er bara að fara af stað og gera sitt besta. Hún mun örugglega gera það og ég hef fulla trú á því," segir Martha. Aníta hefur verið spör á viðtöl við fjölmiðla og látið verkin tala á hlaupabrautinni. Áhuginn á henni er þó mikill enda stelpan að gera frábæra hluti og fyrir löngu komin í sérflokk meðal millivegahlaupara á Íslandi.Gaman að fylgjast með henni „Það er rosalega gaman að fylgjast með henni en við fjölskyldan hennar viljum stilla þessu í hóf og vera ekki að ýta undir of miklar væntingar og passa upp á utanaðkomandi pressu. Við viljum leyfa henni að þroskast sem heilbrigðum unglingi. Þá eru meiri líkur á að þetta gangi þannig að hún finni ekki alltaf fyrir þessari ofboðslegu pressu því það getur bara eyðilagt óharðnaðan venjulega ungling," segir Martha og bætir við: „Ef við ætlum að leyfa henni að þroskast þá getum við ekki endalaust verið með væntingar til hennar. Hún þarf að fá að þroskast sem íþróttamaður og þarf að læra að takast á við athyglina. Hún er bara nýorðin sautján ára gömul," segir Martha. Aníta hefur æft frjálsar íþróttir hjá ÍR frá tíu ára aldri, fyrst í stað undir stjórn Harðar Gunnarssonar, þar sem hún æfði allar greinar frjálsíþrótta, en eftir því sem sérhæfð þjálfun hefur aukist síðustu tvö ár hefur Gunnar Páll Jóakimsson einnig komið að þjálfun Anítu og er nú hennar aðalþjálfari og fylgir henni til Gautaborgar. Martha vill að blaðamenn passi upp á efnilegustu hlaupakonu landsins og leyfi henni að forðast athyglina vilji hún það sjálf. „Ég vil endilega ítreka það að menn virði það við hana. Við höfum séð svo oft mikið af efnilegum unglingum sem hafa verið blásnir of mikið upp. Það er mjög erfitt að fá svona pressu á sig sem óharðnaður unglingur og getur alveg bugað hvern sem er. Við fjölskyldan og þjálfararnir líka erum öll mjög upptekin við að vera vakandi fyrir þessu og leyfa henni bara að vera eðlilegur unglingur sem kann að hlaupa," segir Martha. Mörg mót eru fram undan hjá Anítu en aðalmarkmiðið er þó líklega að vera í fremstu röð á heimsmeistaramóti 17 ára og yngri í Donetsk í Úkraínu og á Evrópumeistaramóti 19 ára og yngri í Rieti á Ítalíu.Blés ekki úr nös Martha sá þó snemma hæfileikana hjá stelpunni enda búin að fylgjast með henni frá barnæsku. „Þegar við vorum að fara með hana sem krakkann okkar upp á Esju eða eitthvað annað þá flaug hún áfram. Það var bara eins og fiðrildi sem flaug áfram og blés ekki úr nös. Það var alveg greinilegt að hún var með þetta. Hún er líka mjög einbeitt og leggur sig fram. Það skilar sér," segir Martha. Aníta hefur keppni í undanrásum klukkan fimm í dag. „Hún verður í sviðsljósinu um helgina og Darri sonur minn verður úti í Gautaborg og ætlar að horfa á frænku sína. Þetta verður bara gaman. Þetta verður góð reynsla fyrir hana og hún er í góðum höndum hjá sínum þjálfara," sagði Martha að lokum.
Frjálsar íþróttir Mest lesið Reka 200 manns eftir tapið fyrir Tottenham Enski boltinn Boxari lést tveimur vikum eftir að hafa gift sig Sport Frakkar sjokkeraðir vegna hópsins sem kemur til Íslands Fótbolti Uppgjörið: KR - Fram 2-3 | Byström sökkti KR-ingum sem hafa tapað þremur í röð Íslenski boltinn Skandall skekur sigursælasta liðið fyrir stærsta kappakstur ársins Sport Uppgjörið: Haukar - Valur 22-29 (0-2) | Skellt í lás í seinni Handbolti Fyrrverandi leikmaður Man. Utd hlaut fjórtán mánaða dóm Enski boltinn Klopp snýr aftur á Anfield Enski boltinn Finnur fyrir miklum létti: „Algjört andlegt rugl“ Körfubolti Eru klárlega með gæði til að spila í efstu deild Þýskalands Körfubolti Fleiri fréttir „Í dag unnum við þetta eins og fjölskylda“ „Skil ekki af hverju við erum alltaf að koma fólki á óvart“ „Við þurfum hjálp frá Guði“ „Við erum með gríðarlega sterka liðsheild“ McTominay og Lukaku tryggðu Napoli titilinn „Er til eitthvað sem heitir sjöundi gír?“ „Ertu galinn? Þetta var frábær fótboltaleikur“ Mikið áfall fyrir ÍBV: Sowe með slitið krossband og Oliver frá næstu vikurnar Uppgjörið: KR - Fram 2-3 | Byström sökkti KR-ingum sem hafa tapað þremur í röð Uppgjörið: Haukar - Valur 22-29 (0-2) | Skellt í lás í seinni Gæti hætt við að fara til Man Utd eftir tapið gegn Tottenham Uppgjörið: FH - Breiðablik 2-1 | Fyrsta tap meistaranna kom í Krikanum Uppgjörið: Valur - Víkingur 1-1 | Jafntefli sem gerir lítið fyrir bæði lið Uppgjörið: Fram - Tindastóll 1-0 | Murielle tryggði sigurinn í blálokin Þriggja leikja banns Stefáns gagnrýnt: „Aldrei reynt að meiða neinn“ Skandall skekur sigursælasta liðið fyrir stærsta kappakstur ársins Klopp snýr aftur á Anfield Reka 200 manns eftir tapið fyrir Tottenham Fyrrverandi leikmaður Man. Utd hlaut fjórtán mánaða dóm Sylvía snýr aftur með nýliðunum: „Hefur verið nauðsynlegur tími fyrir mig“ Blóðgaði dómara Var ekki nógu ánægður með Trent Breiðablik og Valur vonast eftir Disney-ævintýri Eru klárlega með gæði til að spila í efstu deild Þýskalands Frakkar sjokkeraðir vegna hópsins sem kemur til Íslands Þeir bestu (6. sæti): Mókollur, Uxi og sumarið 1995 Toney í enska hópnum en enginn úr Man. Utd Tók við MVP-styttunni og skoraði svo 38 stig Finnur fyrir miklum létti: „Algjört andlegt rugl“ Þjálfari Íslendingaliðsins í veikindaleyfi eftir yfirliðið Sjá meira