Skúli Mogensen skilinn

Athafnamaðurinn Skúli Mogensen og eiginkona hans síðustu 20 ár, Margrét Ásgeirsdóttir, eru að skilja. Saman eiga þau þrjú börn. Skúli er fluttur til Lundúna þar sem hann dvelur á milli þess sem hann eyðir tíma sínum á Íslandi.

Skúli Mogensen vakti athygli þegar hann kom að rekstri tölvufyrirtækisins Oz um síðustu aldamót. Hann bjó í Kanada í sjö ár en seldi svo fyrirtæki sitt. Hann lýsti viðskiptasögu sinni í Klinkinu hér á Vísi fyrir fáeinum mánuðum. Þar sagði hann frá því að hann hefði búið í Kanada í sjö ár og byggt upp fyrirtæki þar. "Sömu helgi og allt hrynur á Íslandi erum við að selja félagið okkar til Nokia," sagði hann í viðtalinu.

Eftir bankahrunið hér á Íslandi hefur Skúli fjárfest í MP banka, Securitas, Advania og WOW Air.