Lífið

Börn ársins 2013

Fræga fólkið var aldeilis duglegt að fjölga sér á árinu sem er að líða.

Margar krúttsprengjurnar litu dagsins ljós en það þykir deginum ljósara að tvö börn hafi stolið senunni. Annars vegar Georg prins þeirra Kate Middleton og Vilhjálms prins og hins vegar litla hnátan North West sem raunveruleikastjarnan Kim Kardashian eignaðist með unnusta sínum, Kanye West.

Georg prins kom í heiminn hinn 22. júlí á St. Mary‘s-sjúkrahúsinu í London en foreldrar hans eru Vilhjálmur prins og Kate Middleton, hertogaynjan af Cambridge.
Margir biðu óþreyjufullir eftir fæðingu frumburðar Kim Kardashian og Kanye West. North litla West fæddist 11. júlí.
Tónlistarmaðurinn Elton John og eiginmaður hans, David Furnish, voru í skýjunum hinn 11. janúar þegar annar sonur þeirra, Elijah Wood, kom í heiminn með aðstoð staðgöngumóður.
Þúsundþjalasmiðurinn Jessica Simpson eignaðist soninn Ace Knute með unnusta sínum, Eric Johnson, hinn 30. júní. Fyrir áttu þau dótturina Maxwell.
Leikarahjónin Channing Tatum og Jenna Dewan-Tatum eignuðust sitt fyrsta barn í London hinn 30. maí. Litla stúlkan hlaut nafnið Everly.
Söngkonan Shakira og knattspyrnumaðurinn Gerard Piqué eignuðust soninn Milan Piqué Mebarak í Barselóna 22. janúar.
Stórleikarinn Alec Baldwin og eiginkona hans, Hilaria Thomas Baldwin, eignuðust dótturina Carmen Gabrielu 23. ágúst.


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.