Allt tal um minnihlutastjórn brandari Karen Kjartansdóttir skrifar 1. maí 2013 12:09 Guðni Th.. Jóhannesson sagnfræðingur. Allt tal um minnihlutastjórn hljómar eins og brandari. Þetta segir sagnfræðingur sem rannsakað hefur stjórnarmyndanir og stjórnarslit á Íslandi. Stjórn Framsóknar og Sjálfstæðisflokks sé langlíklegasta niðurstaðan þegar menn séu búnir að sýna skrautfjaðrirnar og dansa stríðsdansa. Fundir Sigmundar Davíðs Gunnlaugssonar, formanns Framsóknarflokksins, með forystumönnum annarra flokka sem eiga kjörna þingmenn halda áfram í dag. Sjálfstæðismenn eru margir reiðir Sigmundi vegna þessa. Haft er eftir Bjarna Benediktssyni, formanni Sjálfstæðisflokksins, í Fréttablaðinu í dag að hann vilji enn tveggja flokka stjórn en verið sé að ýta sér út í viðræður við aðra flokka með þessu fyrirkomulagi. Þá segir hann að ef menn vilji alvöru viðræður þá hefji menn alvöru viðræður. Ummæli Birgittu Jónsdóttur, kapteins Pírata, á Facebook síðu hennar í dag hafa einnig vakið athygli en á henni segir hún að möguleg útkoma stjórnarmyndunar muni koma öllum á óvart. Segist hún ekki vilja segja meira að sinni en vísar til samtala við Ólaf Ragnar Grímsson, forseta Íslands, og við Sigmund Davíð Gunnlaugsson, formann Framsóknarflokksins frá því í gær. Í samtali um málið við mbl.is segir hún að Píratar séu reiðubúnir að fara nýjar leiðir þó þeir sækist ekki eftir ráðherrastólum. Minnihlutastjórnir séu til að mynda góð leið til þess að efla betri þingmenningu. Guðni Th. Jóhannesson, sagnfræðingur sem ritaði bókina Völundarhús valdsins sem fjallar um hlstöðu forseta Íslands, stjórnarmyndanir og stjórnarslit, hefur enga trú á tali um minnihlustastjórn. „Ég verð kannski að éta einhvern hatt en mér finnst bara svo fáránlegt að menn séu í alvöru að tala um einhverja minnhlutastjórn að maður bara skilur þetta ekki,“ segir Guðni. Minnihlutastjórnir eru ríkisstjórnir sem hafa ekki öruggan þingmeirihluta á bak við sig. Slíkar stjórnir þurfa yfirleitt óbeinan stuðning þingmanna úr öðrum flokkum. Þær minnihlutastjórnir sem hafa setið á Íslandi hafa yfirleitt setið stutt, eru taldar veikar stjórnir og eiga erfitt með að koma málum í gegnum þingið. Stjórn Jóhönnu Sigurðarsdóttur, fráfarandi forsætisráðherra, var sú sem síðast var stofnað til sem minnihlutastjórnar. Það var gert í upplausninni eftir hrunið árið 2009 og varði Framsóknarflokkurinn hana þá vantrausti. „Minnihlutastjórn er neyðarkostur sem er valinn þegar fokið er í önnur skjól þannig maður skilur þetta ekki alveg,“ segir hann. En hvaða leik í valdataflinu er þá Sigmundur Davíð að leika með þessu? „Ég veit ekki alveg hvaða leik hann er að spila. Hann er nýgræðingur í þessu og vill greinilega stíga varlega til jarðar og er annt um það að menn taki Framsóknarflokkinn alvarlega og sýni honum tilhlýðilega virðingu og gangi ekki að neinu sem vísu. Hver heldur þú að verði líklegasta niðurstaðan í öllu þessu? Maður heldur nú enn að líklegasta niðurstaðan sé tveggja flokka stjórn Framsóknarflokks og Sjálfstæðisflokks og þegar menn eru búnir að stilla sér upp og sýna þessar skrautfjaðrir sínar og dansa stríðsdans eða hvað menn vilja kalla það og láta alla vita hver staðan er. Auðvitað eru menn að tala saman hinir og þessir á bak við tjöldin, það eru víða þræðir á milli þessara tveggja stóru flokka. Það eru ekki bara leiðtogarnir sem munu tala saman formlega. Það eru aðrir sem hafa ýmsar tengingar hingað og þangað sem eru að hittast hér og þar. Þannig að það er nú verið að undirbúa jarðveginn, það er munur á sjónarspili og því sem gerist á bak við tjöldin,“ segir Guðni. Kosningar 2013 Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Tugir með magapínu eftir þríþraut við Laugarvatn Innlent Aldrei séð annan eins hraðakstur eftir þrjátíu ár í lögreglunni Innlent Grunaðir um að stinga mann í rassinn að tilefnislausu Innlent Samgönguráðherrann lést daginn sem Pútín rak hann Erlent Líkir tilætlunum Musk við lestarslys Erlent Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Innlent Ákvörðun saksóknara sendi undarleg skilaboð Innlent Bandarískur kjarnorkukafbátur í heimsókn Innlent Fleiri fréttir Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Sjá meira
Allt tal um minnihlutastjórn hljómar eins og brandari. Þetta segir sagnfræðingur sem rannsakað hefur stjórnarmyndanir og stjórnarslit á Íslandi. Stjórn Framsóknar og Sjálfstæðisflokks sé langlíklegasta niðurstaðan þegar menn séu búnir að sýna skrautfjaðrirnar og dansa stríðsdansa. Fundir Sigmundar Davíðs Gunnlaugssonar, formanns Framsóknarflokksins, með forystumönnum annarra flokka sem eiga kjörna þingmenn halda áfram í dag. Sjálfstæðismenn eru margir reiðir Sigmundi vegna þessa. Haft er eftir Bjarna Benediktssyni, formanni Sjálfstæðisflokksins, í Fréttablaðinu í dag að hann vilji enn tveggja flokka stjórn en verið sé að ýta sér út í viðræður við aðra flokka með þessu fyrirkomulagi. Þá segir hann að ef menn vilji alvöru viðræður þá hefji menn alvöru viðræður. Ummæli Birgittu Jónsdóttur, kapteins Pírata, á Facebook síðu hennar í dag hafa einnig vakið athygli en á henni segir hún að möguleg útkoma stjórnarmyndunar muni koma öllum á óvart. Segist hún ekki vilja segja meira að sinni en vísar til samtala við Ólaf Ragnar Grímsson, forseta Íslands, og við Sigmund Davíð Gunnlaugsson, formann Framsóknarflokksins frá því í gær. Í samtali um málið við mbl.is segir hún að Píratar séu reiðubúnir að fara nýjar leiðir þó þeir sækist ekki eftir ráðherrastólum. Minnihlutastjórnir séu til að mynda góð leið til þess að efla betri þingmenningu. Guðni Th. Jóhannesson, sagnfræðingur sem ritaði bókina Völundarhús valdsins sem fjallar um hlstöðu forseta Íslands, stjórnarmyndanir og stjórnarslit, hefur enga trú á tali um minnihlustastjórn. „Ég verð kannski að éta einhvern hatt en mér finnst bara svo fáránlegt að menn séu í alvöru að tala um einhverja minnhlutastjórn að maður bara skilur þetta ekki,“ segir Guðni. Minnihlutastjórnir eru ríkisstjórnir sem hafa ekki öruggan þingmeirihluta á bak við sig. Slíkar stjórnir þurfa yfirleitt óbeinan stuðning þingmanna úr öðrum flokkum. Þær minnihlutastjórnir sem hafa setið á Íslandi hafa yfirleitt setið stutt, eru taldar veikar stjórnir og eiga erfitt með að koma málum í gegnum þingið. Stjórn Jóhönnu Sigurðarsdóttur, fráfarandi forsætisráðherra, var sú sem síðast var stofnað til sem minnihlutastjórnar. Það var gert í upplausninni eftir hrunið árið 2009 og varði Framsóknarflokkurinn hana þá vantrausti. „Minnihlutastjórn er neyðarkostur sem er valinn þegar fokið er í önnur skjól þannig maður skilur þetta ekki alveg,“ segir hann. En hvaða leik í valdataflinu er þá Sigmundur Davíð að leika með þessu? „Ég veit ekki alveg hvaða leik hann er að spila. Hann er nýgræðingur í þessu og vill greinilega stíga varlega til jarðar og er annt um það að menn taki Framsóknarflokkinn alvarlega og sýni honum tilhlýðilega virðingu og gangi ekki að neinu sem vísu. Hver heldur þú að verði líklegasta niðurstaðan í öllu þessu? Maður heldur nú enn að líklegasta niðurstaðan sé tveggja flokka stjórn Framsóknarflokks og Sjálfstæðisflokks og þegar menn eru búnir að stilla sér upp og sýna þessar skrautfjaðrir sínar og dansa stríðsdans eða hvað menn vilja kalla það og láta alla vita hver staðan er. Auðvitað eru menn að tala saman hinir og þessir á bak við tjöldin, það eru víða þræðir á milli þessara tveggja stóru flokka. Það eru ekki bara leiðtogarnir sem munu tala saman formlega. Það eru aðrir sem hafa ýmsar tengingar hingað og þangað sem eru að hittast hér og þar. Þannig að það er nú verið að undirbúa jarðveginn, það er munur á sjónarspili og því sem gerist á bak við tjöldin,“ segir Guðni.
Kosningar 2013 Mest lesið Rak í rogastans þegar hann las viðtalið við Bubba Innlent Ekki efni til að ákæra þá sem fötluð kona var látin hafa samræði við Innlent Tugir með magapínu eftir þríþraut við Laugarvatn Innlent Aldrei séð annan eins hraðakstur eftir þrjátíu ár í lögreglunni Innlent Grunaðir um að stinga mann í rassinn að tilefnislausu Innlent Samgönguráðherrann lést daginn sem Pútín rak hann Erlent Líkir tilætlunum Musk við lestarslys Erlent Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Innlent Ákvörðun saksóknara sendi undarleg skilaboð Innlent Bandarískur kjarnorkukafbátur í heimsókn Innlent Fleiri fréttir Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn „Við erum með háskólakerfi sem er fjármagnað undir OECD meðaltali“ Rembihnútur á þinginu en örþrifaráð ekki til umræðu Ákvörðun saksóknara sendi undarleg skilaboð Þinglok ekki í augnsýn og háskólarnir undirfjármagnaðir Grunaðir um að stinga mann í rassinn að tilefnislausu Ný kort sýna hvernig almyrkvinn verður á Íslandi Bandarískur kjarnorkukafbátur í heimsókn Formenn þingflokka halda spilunum þétt að sér Skjálfti upp á 3,4 í morgun á Suðurlandi Ekki efni til að ákæra þá sem fötluð kona var látin hafa samræði við Hiti nær 22 stigum fyrir austan Fjarlægðu „óvelkominn aðila“ af öldrunarheimili Rak í rogastans þegar hann las viðtalið við Bubba Árbæingar áhyggjufullir vegna umdeildra framkvæmda Aldrei séð annan eins hraðakstur eftir þrjátíu ár í lögreglunni Metfjöldi á biðlista og mögulega þarf að vísa frá Einstök litasamsetning á Prinsi Greifa Bíll í ljósum logum á Skaganum Vatnslögn í sundur í Smáralind Aldrei fleiri börn á biðlista og útrás í Kína Á hundrað og þrjátíu á sextíu götu Gul viðvörun: Brýna fyrir fólki á húsbílum að vara sig á vindinum Boltaleikir bannaðir á skólalóðinni eftir klukkan tíu Leggja til 80 milljónum árlega í nýja líkbrennslu Hinn stungni á batavegi en stungumennirnir ófundnir Sjá meira