Linda súpermódel er á lausu

Hin kanadíska Linda Evangelista og stofnandi Hard Rock Cafe, Peter Morton, hafa slitið samvistum eftir sjö ára samband.

Parið kynntist árið 2006 þegar Linda Evangelista var ólétt að syni sínum, Augustin, eftir stutt ástarsamband með núverandi eiginmanni Salma Hayek, Francois-Henri Pinault. Fyrirsætan virtist hamingjusöm þrátt fyrir að vera einsömul á rauða dreglinum við verðlaunaafhendingu Ráðs tískuhönnuða Bandaríkjanna í New York á dögunum.

Ekki hefur mikið borið á Evangelista undanfarin ár þrátt fyrir að hafa prýtt yfir sex hundruð forsíður ýmissa tískublaða á ferlinum. Hún hlaut mikla gagnrýni á sínum tíma fyrir þessa frægu setningu: „Við förum ekki á fætur fyrir minna en 10.000 dali á dag“.