Hélt aldrei fram hjá

Russell Brand segist aldrei hafa verið Katy Perry ótrúr. Brand og Perry skildu árið 2012 en höfðu þá verið gift í 14 mánuði.

Leikarinn viðurkenndi fyrir nokkru að vera haldinn kynlífsfíkn og að hann ætti erfitt með að ímynda sér að bindast einni manneskju ævilangt. „Þegar ég er í föstu sambandi er ég ekki með neinum öðrum. Ég fer algjörlega eftir settum reglum í sambandinu,“ segir Brand.

Samband þeirra Brands og Perry stóð þó á brauðfótum frá upphafi en strax í kjölfar giftingarinnar lagði söngkonan af stað í tónleikaferðalag um heiminn með plötu sína Teenage Dream.