Stjörnufans í brúðkaupi Jordan

Það var stór dagur í lífi Michael Jordan um helgina er hann giftist í annað sinn. Jordan gekk þá að eiga unnustu sína til margra ára, Yvette Prieto.

Athöfnin fór fram í Palm Beach í Flórída og voru um 300 gestir í veislunni sem fram fór í golfskála af flottari gerðinni.

Margir þekktir einstaklingar voru mættir í brúðkaupið og nægir þar að nefna menn eins og Tiger Woods, Spike Lee, Scottie Pippen og Patrick Ewing.

Fjölmargir tónlistarmenn tróðu upp í veislunni eins og Usher og MC Lyte.

Jordan er fimmtugur en Prieto 35 ára. Jordan skildi við fyrri konu sína árið 2006 en á hann á með henni þrjú börn.

Brúðkaupið var lokað fyrir fjölmiðla en hér að ofan má sjá myndir af brúðkaupsgestum er þeir mæta til veislunnar.