Ginobili framlengir við Spurs

Argentínumaðurinn Manu Ginoboli, leikmaður San Antonio Spurs, lét að því liggja eftir úrslitarimmuna gegn Miami Heat að hann gæti lagt skóna á hilluna.

Hinn 35 ára gamli Ginobili er eðlilega ekki alveg jafn kraftmikill og hann var og lét óvenju lítið til sín taka í ár.

Honum hefur þó snúist hugur því hann tilkynnti á Twitter að hann væri búinn að framlengja við félagið um tvö ár. Hann fær 7 milljónir dollara fyrir hvort tímabil.

Þessi tíðindi koma degi eftir að Tiago Splitter skrifaði undir fjögurra ára samning við félagið.