Fullur og keyrði á staur

Lögreglan stöðvaði þrjá ökumenn í nótt vegna gruns um ölvun við akstur.

Einn þeirra þurfti raunar ekki að stöðva því hann hafði séð um það sjálfur með því að aka á ljósastaur í vestubænum. Í því máli voru tveir menn vistaðir í fangageymslum lögreglu en hinir ökumennirnir tveir sem teknir voru ölvaðir voru látnir lausir eftir að blóðsýi höfðu verið tekin.

Þá var einn maður vistaður í fangageymslu í nótt grunaður um líkamsárás í miðbænum. Lögregla hefur ekki gefið frekari upplýsingar um það mál eða ástand þanns sem ráðist var á.