Bjargvætturinn hitti barnið

Íslenski læknirinn Viðar Magnússon hitti nýverið hina sjö ára stúlku, Tushu Kamaleswaran frá Bretlandi, en Viðar bjargaði lífi hennar fyrir tveimur árum.

Tusha varð fyrir skoti í skotárás sem gerð var á verlsun sem var í eigu frænda hennar og hjarta hennar stövaðst. Viðar var einn sjúkraflutningsmannanna sem fóru á vettvang og bjargaði hann lífi hennar með því að framkvæma viðkvæma skurðaðgerð á götunni þar sem hann kom hjarta hennar aftur af stað. Tusha lamaðist þó í skotárásinni.

Endurfundur þeirra sem komu að björguninni og Tushu voru sýndir á sjónvarpsstöðinni ITV og þar sýndi hún Viðari og félögum að hún gæti hreyft fót sinn á ný.