Frank Ocean djammaði á Dolly

Tónleikar bandaríska tónlistarmannsins Franks Ocean fóru fram í Laugardalshöllinni á þriðjudagskvöldið. Fullt var út úr dyrum og tónleikagestir virtust hæstánægðir með frammistöðu kappans.

Að tónleikunum loknum fór fram lokað eftirpartí á efri hæð skemmtistaðarins Dolly, en þangað mætti fylgdarlið söngvarans í bland við skemmtanaglaða Íslendinga. Frank Ocean sjálfur lét þó bíða eftir sér en mætti loks í fylgd lífvarða á Range Rover og var fylgt sérstaka leið inn á skemmtistaðinn.

Söngvarinn virðist hafa tekið ástfóstri við Snæfell Parka úlpu frá 66 norður, en hann klæddist henni á djamminu í gær og þegar hann virti fyrir sér Gullfoss og Geysi á mánudaginn, en hann hélt af landi brott í gær.