Lifir á hrísgrjónum og spínati

Leikarinn Jason Statham leggur ýmislegt á sig til að næla sér í hlutverk í Hollywood. Hann ku aðeins borða brún hrísgrjón og spínat til að halda sér í sem bestu formi.

“Jason er harðákveðinn í því að vera í flottu formi og neitar að snerta neitt nema þessi tvö hráefni. Hann grípur til örþrifaráða til að reyna að vera heitur í Hollywood,” segir vinur Jasons í viðtali við Daily Star.

Jason er í New Orleans í Bandaríkjunum að leika í nýjustu mynd sinni, Heat. Svo bíða hans tökur á The Expendables 3 og sjöundu The Fast and the Furious-myndinni. Nóg að gera hjá Jason sem getur varla lifað á spínati og grjónum að eilífu. Eða hvað?

Dragðu Tarotspil dagsins hér.