Schumacher ekur F1 bíl um Nurburgring

Sjöfaldi heimsmeistarinn Micael Schumacher mun aka tveggja ára gömlu Formúlu 1- bíl af Mercedes-gerð um gömlu Nurburgring-brautina í Þýskalandi. Þar var hætt að keppa árið 1976 vegna þess hve hættuleg hún þykir.

Aksturinn verður kaupbætir fyrir þá sem hafa keypt sér miða á Nurburgring sólarhringsaksturinn sem fer fram í maí. Schumacher mun aka 19. maí.

"Ég á margar góðar minningar af Nurburgring og ég hlakka til að leyfa áhorfendum og vinum að sjá mig aka," sagði Schumacher. Kerpen, heimabær Schumachers, er nærri brautinni.

"Að fá að setja hringtíma í nútíma Silfurör á fallegustu og erfiðustu braut í heimi,… þvílík blanda. Þetta er draumur hvers kappakstursökumanns."

Síðasti Formúlu 1-bíllinn sem fór um gömlu Nurburgringbrautina var Nick Heidfeld í 2007 árgerð af BMW. Myndband má sjá af því að ofan.