Viðskipti innlent

Ákært í Ímon málinu

Jón Hákon Halldórsson skrifar
Eitt þeirra mála sem sérstakur saksóknari hefur ákært í og tengist Landsbankanum er svokallað Ímon mál, samkvæmt heimildum fréttastofu Stöðvar 2 og Vísis. Eins og fram kom í Fréttablaðinu í dag ákærði sérstakur saksóknari fyrrverandi stjórnendur og starfsmenn Landsbankans fyrir helgi vegna þriggja mála tengdum Landsbankanum en málin voru síðan sameinuð í eina ákæru.

Ímon málið snýst um meintar ólöglegar lánveitingar Landsbankans til Ímons ehf sem voru veittar vegna kaupa á hlutabréfum í Landsbankanum. Fréttastofa hefur ekki heimildir fyrir því hverjir eru ákærðir, en snemma í morgun hafði ákæra ekki borist Sigurjóni Þ. Árnasyni, fyrrverandi bankastjóra, né heldur hafði ákæra borist Björgólfi Guðmundssyni, fyrrverandi stjórnarformanni bankans, þegar haft var samband við verjanda hans klukkan ellefu. Þó er vitað að hinn bankastjórinn, Halldór J. Kristjánsson, er ekki á meðal hinna ákærðu.

Magnús Ármann er eigandi Ímons, sem keypti fjögurra prósenta hlut í Landsbankanum á fimm milljarða nokkrum dögum fyrir hrun. Þessi viðskipti hafa verið til rannsóknar í rúm fjögur ár. Magnús var um tíma með réttarstöðu sakbornings á rannsóknarstigi málsins en fékk síðan sent bréf þess efnis að rannsókn á þætti hans væri lokið án þess að til ákæru myndi koma.

Þá kom líka fram í Fréttablaðinu í dag að níu menn, sem tengjast Landsbankanum, hafa verið ákærðir fyrir umboðssvik og markaðsmisnotkun. Þeirra á meðal eru Hreiðar Már Sigurðsson, Sigurður Einarsson, Ingólfur Helgason og Magnús Guðmundsson.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
2,68
8
141.079
SKEL
1,55
4
7.123
SVN
0,87
22
159.565
ICESEA
0,58
13
244.896
REITIR
0
5
6.090

Mesta lækkun dagsins


Félag
Br.%
Fjöldi
Velta*
ORIGO
-2,46
5
96.536
VIS
-1,63
7
79.121
LEQ
-1,3
1
113
ICEAIR
-1,03
47
154.630
EIK
-0,88
1
5.600
Velkomin á Vísi. Þessi vefur notar vafrakökur. Sjá nánar.