Fjörkippur í loðnuveiðunum eftir kvótaukningu

Mikill fjörkippur er enn og aftur hlaupinn í loðnuveiðarnar eftir atvinnuvegaráðherra jók loðnukvótann um 120 þúsund tonn í gær á grundvelli tillagna Hafrannsóknastofnunar.

Nýverið var kvótinn aukinn um hundrað þúsund tonn, en áður en til þess kom voru útgerðir farnar að halda að sér höndum við veiðarnar til að eiga eftir kvóta þegar loðnan yrði hrognafull.

Aðalveiðisvæðið er nú austur af Hornafirði og er loðnan á grunnsævi, þannig að hún veiðist nú í nót, en hefur verið veidd í flottroll til þessa.