Neyðarkall á Þilisfirði í nótt, fyrsta björgun varðskipsins Þórs

Skipverji, sem var einn á ferð á 25 tonna eikarbáti á Þistilfirði, sendi út neyðarkall um eitt leitið í nótt, eftir að leki kom að bátnum og vont veður var á svæðinu.

Björgunarskip Landsbjargar var sent frá Raufarhöfn, en vegna óveðurs var ekki hægt að koma mannskap og dælum yfir í bátinn. Var þyrla þá send af stað með dælur frá Reykjavík, og svo vel vildi til að varðskipið Þór var skammt undan og hélt að bátnum.

Varðskipsmönnum tókst með harðfylgi að koma dælum og mannskap yfir í bátinn og hefja dælingu, en þá var töluverður sjór kominn í vélarrúmið.

Var þyrlan þá afturkölluð og kom báturinn, í fylgd varðskipsins, til Raufarhafnar upp úr klukkan sex í morgun.

Þetta mun vera fyrsta björgun hins nýja varðskips Þórs.