85% verðmunur á símtölum í 118

Rúmlega 85 prósenta verðmunur er á því að hringja í 118 eftir því hjá hvaða símafyrirtæki viðkomandi er.

Þetta kemur fram í samantekt sem Póst- og fjarskiptastofnun hefur gert. Ódýrast er fyrir þá sem eru í þjónustu hjá Símanum að hringja í 118 en dýrast fyrir viðskiptavini Tals. Munurinn er rúm 85%.

Já upplýsingaveitur rukka upphafsgjald (80 kr.) og svo verð fyrir hverja mínútu (70 kr.). Síminn er eina fyrirtækið sem leggur ekkert ofan á gjald Já. Álagningin er hins vegar mest hjá Tal eða rúmlega 85%.

Samanburðinn má sjá hér að neðan.

Öll fyrirtækin, fyrir utan Símann, rukka notendur að lágmarki fyrir fyrstu mínútuna og síðan fyrir hverja byrjaða mínútu eftir það. Þannig greiðir notandinn tvær mínútur fyrir símtal sem er t.d. 1 mínúta og 10 sekúndur.

Þetta þýðir að verðið sem gefið er upp fyrir 1 mínútu símtal, í töflunni hér að ofan, er lágmarksverð fyrir að hringja í 118 í gegnum viðkomandi fyrirtæki.

„Í ljósi þess mikla munar sem er á álagningu fjarskiptafyrirtækja vegna tenginga við 118 útilokar PFS ekki að mæla fyrir um hámark slíkra þóknana fjarskiptafyrirtækja á grundvelli 2. mgr. 20. gr. fjarskiptalaga þar sem þjónusta fjarskiptafyrirtækja við tengjast númeri upplýsingaþjónustunnar verður teljast órjúfanlegur þáttur í veitingu þjónustunnar," segir á vef Póst- og fjarskiptastofnunar.

Nánar á vef PFS.