Telja grundvallarbreytingar varhugaverðar

Ellefu hæstaréttarlögmenn skora á alþingismenn að vanda betur til undirbúnings varðandi fyrirhugaðar breytingar á stjórnskipunarlögum.

Þetta kemur fram í fréttatilkynningu sem þeir senda frá sér í dag.

„Mikilvægt er að hafa hugfast að við gerð stjórnarskrár á ekki og má ekki tjalda til einnar nætur. Lausung í stjórnarfari hefur ávallt hættu í för með sér. Þrír þættir eru sérlega mikilvægir: Vönduð vinnubrögð, þekking hins vísasta fólks verði nýtt og breytingar gerðar í eins mikilli og almennri sátt og mögulegt er."

Segir að samþykkt núverandi frumvarps og breytingartillögum þess hefðu í för með sér mjög róttækar breytingar á íslenskri stjórnskipun. Ekki hafi farið fram ítarleg greining á mögulegum afleiðingum þess að frumvarpið yrði samþykkt.

„Sú takmarkaða skoðun sem farið hefur fram bendir eindregið til þess að í frumvarpinu felist margvíslegar hættur fyrir lýðræðislegt þjóðskipulag."

Neðangreindir lögmenn telja varhugavert að gera þær grundvallarbreytingar sem gert sé ráð fyrir í frumvarpinu.

Reykjavík 18. febrúar 2013

Berglind Svavarsdóttir

Björgvin Þorsteinsson

Jakob R. Möller

Karl Axelsson

Kristinn Hallgrímsson

Ragnar H. Hall

Reimar Pétursson

Sigurður G. Guðjónsson

Þorsteinn Einarsson

Þórdís Bjarnadóttir

Þórunn Guðmundsdóttir