Leita að loðnu í grennd við Grímsey

Tvö loðnuskip HBGranda eru nú á leið norður fyrir land í leit að loðnu í grennd við Grímsey.

Smábátasjómenn úr Grímsey segjast hafa siglt yfir stórar loðnutorfur og að þorskurinn sé fullur af loðnu.

Arnþór Hjörleifsson skipstjóri á Lundey segir á heimasíðu HB Granda að fyrir einhverjum árum hafi slíkar fréttir borist af þorrablóti Grímseyinga og hafi þær verið á rökum reistar, en Grímseyingar héldu þorrablóti sitt um nýliðna helgi.

Annars er megnið af loðnuflotanum út af Suðurströndinni í grennd við Ingólfshöfða.