Miami-menn í banastuði

Fjöldi leikja fór fram í NBA-deildinni í nótt og voru margir þeirra spennandi. Meistarar Miami sölluðu niður stigum gegn Sacramento að venju.

Miami skoraði yfir 100 stig gegn Kings þrettánda leikinn í röð. Það er met í NBA-deildinni. 122 stigin í nótt var það besta sem Miami hefur boðið upp á í sókninni í vetur.

Chris Bosh var stigahæstur með 25 stig og 8 fráköst. Dwyane Wade skoraði 20 stig en LeBron James lét sér nægja 18 stig að þessu sinni. Fimm leikmenn Miami skoruðu yfir tíu stig.

Þetta var fjórði sigur Miami í röð.

Úrslit:

Philadelhpia-Brooklyn  121-120

Atlanta-Utah  118-85

Cleveland-Milwaukee  114-111

Detroit-Charlotte  106-116

Miami-Sacramento  122-103

Indiana-Houston  114-81

Dallas-Toronto  108-109

Denver-Phoenix  99-103

LA Lakers-Minnesota  104-91

Staðan í NBA-deildinni.