Yfirburðarsigur Vöku

Vaka, félag lýðræðissinnaðra stúdenta, vann yfirburðarsigur í kosningum til Stúdentaráðs við Háskóla Íslands í kvöld. Vaka fékk 21 sæti af þeim 27 sem kosið var um en Röskva hin sætin sex.

Vigfús Rúnarsson, varaformaður Vöku, var í hressari kantinum þegar blaðamaður Vísis náði af honum tali.

„Já, þetta er náttúrulega stórsigur. Þetta er ótrúlegt," sagði Vigfús sem skipaði fyrsta sætið á lista Vöku á heilbrigðisvísindasviði. Rúmlega 5000 greiddu atkvæði í kjörinu sem svarar til um 35% kosningaþátttöku.

„Það sést að hverju við erum búin að vinna og hver vilji stúdenta er, sagði Vigfús."

Mjórra var á munum í kosningu til Stúdentaráðs í fyrra. Þá fékk Vaka tíu menn kjörna en Röskva átta.

Kosningar til Stúdentaráðs voru með öðru sniði í ár. Undanfarin ár hafa fylkingarnar hvor stillt upp sínum listanum. Í ár voru listarnir fimm og tilheyrðu hver sínu sviði innan Háskóla Íslands. Þeir sem náðu kosningu á hverju sviði taka sæti í Stúdentaráði.

Úrslitin á sviðunum fimm var sem hér segir.

Félagsvísindasvið

Röskva 1 sæti 7

Vaka 6 sæti af 7

Heilbrigðisvísindasvið

Röskva 1 af 5

Vaka 4 af 5

Hugvísindasvið

Röskva 2 af 5

Vaka 3 af 5

Menntavísindasvið

Röskva 1 af 5

Vaka 4 af 5

Verk- og náttúruvísindasvið

Röskva 1 af 5

Vaka 4 af 5