Ómar brotlenti við Sultartangalón

Ómar Ragnarsson slapp lítið sem ekkert meiddur þegar hann brotlenti lítilli Cessna-flugvél, TF-TAL, við Sultartangalón síðdegis.

Óhappið varð á milli fjögur og fimm. Lögreglan á Hvolsvelli segist ekki vita hver tildrög þess voru. Flugvélin hafnaði á hvolfi og mun hafa skemmst töluvert.

Ómar er samkvæmt upplýsingum Vísis enn á slysstað ásamt fulltrúum frá lögreglunni og eru menn frá rannsóknarnefnd samgönguslysa á leiðinni. Ekki hefur náðst tal af Ómari.