Rússneskur júdómeistari framdi sjálfsmorð

Evrópumeistarinn í júdó, Elena Ivashchenko, er látin aðeins 28 ára að aldri. Hún framdi sjálfsmorð.

Hin rússneska Ivashchenko kastaði sér niður úr glugga á 15. hæð og lést. Hún skrifaði kveðjubréf áður en hún kvaddi þennan heim.

Íþróttaheimurinn í Rússlandi er í losti eftir þessi tíðindi.

Hún varð Evrópumeistari 2007, 2009, 2011 og 2012. Hún fékk silfur á heimsmeistaramóti árið 2008 og brons árin 2007 og 2011. Hún lenti í fimmta sæti á síðustu Ólympíuleikum.

"Ég hef enga skýringu á því af hverju hún gerði þetta. Þetta er óskiljanlegur harmleikur," sagði þjálfari hennar.