Aron tilkynnir hópinn eftir æfingu í fyrramálið - hverjir fara með?

Aron Kristjánsson, þjálfari íslenska karlalandsliðsins í handbolta, mun tilkynna HM-hópinn sinn eftir æfingu liðsins í fyrramálið en þetta kemur fram á heimasíðu Handknattleikssambandsins.

Hópurinn sem Aron velur mun byrja á því að fara til Svíþjóðar þar sem íslenska landsliðið spilar æfingaleik við Svía í Helsingborg Arena á þriðjudaginn en fyrsti leikurinn á HM á Spáni er síðan á móti Rússum í Sevilla á laugardaginn kemur.

Eftir læknisskoðun á föstudaginn þá kom í ljós að Ingimundur Ingimundarson og Ólafur Bjarki Ragnarsson eru ekki búnir að ná sér að meiðslum sínum og verða því ekki tilbúnir áður en HM á Spáni hefst. Ólafur Stefánsson hefur einnig dregið sig út úr hópnum vegna meiðsla sem og þeir Alexander Petersson og Arnór Atlason. Fjórir þessara leikmanna voru byrjunarliðsmenn í íslenska landsliðinu á Ólympíuleikunum í London þar af Ingimundur í vörninni.

Vísir telur líklegast að sextán manna hópurinn líti út eins og fram kemur hér fyrir neðan en samkvæmt þeirri spá munu þeir Daníel Freyr Andrésson, Hreiðar Leví Guðmundsson, Bjarki Már Elísson og Ernir Hrafn Arnarson allir detta út úr hópnum í viðbót við þá Ólaf, Ólaf Bjarka og Ingimund.

Íslenski hópurinn á HM 2013: (Spá Vísis)

Markmenn:

Aron Rafn Eðvarðsson, Haukar

Björgvin Páll Gústavsson, Magdeburg

Vinstri hornamenn:

Guðjón Valur Sigurðsson, THW Kiel

Stefán Rafn Sigurmannsson, Rhein-Neckar Löwen

Vinstri skyttur:

Aron Pálmarsson, THW Kiel

Ólafur Andrés Guðmundsson, Kristianstad

Ólafur Gústafsson, SG Flensburg-Handewitt

Leikstjórnendur:

Snorri Steinn Guðjónsson, GOG

Fannar Friðgeirsson, Wetzlar

Hægri skyttur:

Ásgeir Örn Hallgrímsson, Paris Handball

Hægri hornamenn:

Þórir Ólafsson, KS Vive Targi Kielce

Arnór Þór Gunnarsson, Die Bergische handball club

Línumenn:

Róbert Gunnarsson, Paris Handball

Kári Kristján Kristjánsson, HSG Wetzlar

Vignir Svavarsson, TWD Minden

Varnarmenn:

Sverre Andreas Jakobsson, TV Grosswallstadt

Þessir fara því ekki með:

Daníel Freyr Andrésson, FH

Hreiðar Leví Guðmundsson, Nötteröy

Bjarki Már Elísson, HK

Ernir Hrafn Arnarson, Emsdetten

Ingimundur Ingimundarson, ÍR (meiddur)

Ólafur Bjarki Ragnarsson, Emsdetten (meiddur)

Ólafur Stefánsson, Lakhwiya Sports Club (meiddur)