Íbúar slökktu eld í gasgrilli

Íbúar í húsi í Hvarfahverfinu kölluðu á slökkviliðið í gærkvöldi þar sem þar hafði kviknað í grilli. Þeim hafði tekist að slökkva eldinn áður en liðið kom, en þar sem gaskúturinn var farinn að hitna, tæmdu slökkviliðsmenn hann til öryggis.

Þá var slökkviliðið kallað að íbúðahóteli við Rauðarárstíg á fimmta tímanum í nótt þar sem gestur hafði orðið var við reyk úr annari íbúð. Þar hafði eldamennska farið úr böndunum án þess þó að eldur kviknaði, en gesturin þar var á bak og burt.