Hvað varð um bæjarstjórann?

Guðríður Arnardóttir, fulltrúi Samfylkingar í bæjarráði Kópavogs, lagði þar fram fyrirspurn um afdrif Guðrúnar Pálsdóttur, fyrrverandi bæjarstjóra og stöðu starfslokasamnings hennar. „Í þeim samningi er kveðið á um að bæjarstjóri skuli snúa til baka í sitt fyrra starf í september 2012. Til þess hefur ekki komið, sem þýðir væntanlega brot á því samkomulagi. Hver er lagaleg staða bæjarins gagnvart slíkum breytingum á upphaflega samkomulaginu?“ segir í fyrirspurn Guðríðar.