Þorvaldur Gylfason í forsvari nýs stjórnmálaafls

Lýðræðisvaktin, nýr stjórnamálaflokkur, var kynntur til sögunnar um helgina. Helstu markmið flokksins eru að koma landinu upp úr þeim efnahagslega öldudal sem það er í.

Þetta kemur fram í tilkynningu frá flokknum. Auk þess á að lyfta landinu undan oki sérhagsmuna og tryggja að Alþingi samþykki nýja stjórnarskrá í samræmi við úrslit þjóðaratkvæðagreiðslunnar í haust.

Stjórn Lýðræðisvaktarinnar var kosin á stofnfundinum og er sem hér segir:

Vaktstjóri:

Þorvaldur Gylfason, prófessor í hagfræði

Bakvaktastjóri:

Sigríður Ólafsdóttir, lífefnafræðingur

Aðalritari:

Þórdís Björk Sigurþórsdóttir, viðskiptafræðingur

Meðstjórnendur:

Rannveig Höskuldsdóttir, verkakona

Arnfríður Guðmundsdóttir, prófessor í guðfræði

Árni Stefán Árnason, lögfræðingur og dýravinur

Lýður Árnason, læknir

Lýðræðisvaktin hyggst bjóða fram í öllum kjördæmum í alþingiskosningunum í vor og mun kynna stefnuskrá sína og framboðslista von bráðar.