Fíkniefnasali í fangelsi

Tuttugu og fimm ára gamall karlmaður var dæmdur í tuttugu mánaða langt fangelsi í Héraðsdómi Reykjavíkur. Hann var dæmdur fyrir að hafa haft í vörslum sínum í sölu- og dreifingarskyni 105 grömm af marijúana, sem lögreglumenn fundu við leit í bifreið hans og í fatnaði hans í október síðastliðnum. Hann var þá staddur á bifreiðastæði á bak við Borgarbókasafn Reykjavíkur við Tryggvagötu. Maðurinn á að baki tæplega átta ára langa brotasögu og hefur á þeim tíma margsinnis hlotið dóma.