Flottari búningar en nokkru sinni fyrr

Öskudagurinn hefur gengið vonum framar hjá flestum sem tóku þátt í gleðinni í dag.

Búðareigendur sem hafa staðið vaktina í fjölda ára segja búningana sjaldan eða aldrei hafa verið jafn metnaðarfulla og flotta. Þá hefur verið blíðviðri í höfuðborginni þannig að allir hafa notið sín án þess að þurfa að verja sig fyrir veðri og vindum.

Ritstjórn Vísis hefur hér tekið saman skemmtilegt myndasafn með fjölda mynda af Öskudeginum. Smellið á myndirnar hér fyrir ofan til að fletta myndasafninu.

Vilhelm Gunnarsson, ljósmyndari Vísis, fór á stúfana í Kringluna og tók þar fjöldan allan af myndum af hressum krökkum í skrautlegum búningum.

Við fengum einnig sendar myndir frá Ölgerðinni þar sem allt er í hers höndum líkt og síðustu ár. Búist er við um 2500 krökkum upp í Ölgerð en þar eru allir leystir út með sérstaklega glæsilegum gjafapokum. Starfsfólkið hefur einnig undirbúið sig fyrir daginn í margar vikur og er afraksturinn glæsilegur eins og sjá má á myndunum.

Nói Síríus sendi okkur skemmtilegar myndir af starfsfólki og gestum dagsins. Einnig Michelsen úrsmiðir við Laugaveg.

Eins og flestir sem hafa farið á Facebook í dag hafa tekið eftir er Öskudagurinn mjög áberandi þar. Við kíktum á nokkrar opinberar síður hjá verslunum og fyrirtækjum sem settu inn myndir og smelltum þeim með í myndasafnið.

Við hvetjum lesendur, bæði fólk og fyrirtæki, til að senda okkur skemmtilegar Öskudagsmyndir til að hafa með í myndasafninu, ekki síst utan af landi.

Sendið okkur myndir á netfangið ritstjorn@visir.is.