Harry Bretaprins er nú veðurtepptur á Suðurskautslandinu en hann er staddur þar ásamt fötluðum hermönnum í samtökunum Walking With The Wounded.
Hópurinn er einn þriggja sem stefnir á hraðamet að Suðurpólnum en íslenska fyrirtækið Artics Trucks tekur þátt í þessum leiðangri en starfsmenn fyrirtækisins eru sérfróðir í ferðum að þessum toga.
Slæmt veður er á svæðinu og þurfti hópurinn að vera um kyrrt í búðunum Novolazarevskaya.
Hóparnir mættu á Suðurskautslandið á föstudaginn og var ætlunin að vera á svæðinu í nokkra daga til að aðlagast aðstæðum.
Keppnin átti síðan að hefjast í dag en mun líklega ekki fara af stað fyrr en á morgun.
Liðin þrjú keppast um að setja hraðamet á þeirri rúmlega 300 kílómetra leið sem framundan er.
Prinsinn og hermennirnir æfðu sig meðal annars fyrir ferðina hér á Íslandi.
Harry Bretaprins veðurtepptur á Suðurskautslandinu
