Óvissa með stuðning Þráins

„Ég veit það ekki, það fer eftir því hvernig málið stendur. Það er alveg sjálfsagt mál að kíkja á þetta á næstu dögum og ég þarf að finna út úr því hvernig þetta mál stendur," segir Þráinn Bertelsson, þingmaður VG, spurður hvort að hann ætli að styðja vantrauststillögu Þórs Saari á ríkisstjórn Íslands.

Þráinn sagði fyrir nokkrum misserum síðar að ef ríkisstjórnin næði ekki að keyra stjórnarskrármálið í gegn sæi hann enga ástæðu til að styðja ríkisstjórnina. „Ég er bara ekki með það á hreinu hvar það stendur og hvaða væntingar eru í gangi. En prívat og persónulega sýnist mér heldur miklar líkur á því að ríkisstjórnin nái þessu í gegn," segir hann.

Þór segir í vantrauststillögu sinni að miklar breytingar hafi verið gerðar á frumvarpinu frá því að drög að frumvarpinu voru samþykkt í þjóðaratkvæðagreiðslu árið 20. október 2012.

„Ég er ekki svo mikill strangtrúarmaður, ég get alveg lifað við þær breytingar í fullkomnu samræmi við það sem stjórnlagaráðið var að gera," segir hann.

„Ég hef ekki lagt yfir þetta mál og var bara að frétta af því fyrst áðan," segir Þráinn, og ætlar eins og áður segir, að fara yfir vantrauststillögu Þórs á næstu dögum.