Fjórðungur námslána breytist í styrk

Fjórðungur námslána breytist í styrk ljúki fólk námi innan tilsetts tíma ef frumvarp Katrínar Jakobsdóttur menntamálaráðherra sem nú er til afgreiðslu í stjórnarflokkunum nær fram að ganga. Breytingin myndi ná til lána sem tekin verða árið 2014 og síðar.

Katrín segir frumvarpið afrakstur nefndar sem í fyrra var skipuð fulltrúum stúdenta, vinnumarkaðar, ráðuneytisins og Lánasjóðsins.

„Og kannski er stærsta breytingin að lagt er til að fjórðungur höfuðstóls lána þeirra námslána sem ljúka námi sínu á tilsettum tíma geta breyst í styrk og þannig fallið niður áður en endurgreiðslur hefjast," segir Katrín.

Með þessu sé skapaður hvati fyrir námsmenn að ljúka námi sínu innan tímamarka og kerfið fært nær því sem þekkist á Norðurlöndunum.

„En auðvitað er hugsunin sú að þetta er ekki afturvirkt," segir Katrín. Þetta muni þó miklu inn í framtíðina

En ef frumvarpið verður að lögum tækju þau til námslána sem tekin verða frá árinu 2014. Þá myndi ábyrgð falla niður þegar ábyrgðarmenn ná 67 ára aldri. Katrín segist ekki vita hvort hægt verði að klára málið í þinginu fyrir þinglok.

Námslán bera nú 1 % vexti og eru verðtryggð. Katrín segir verðtryggingu námslána koma til skoðunar eins og önnur verðtryggð lán, þegar og ef breytingar verði gerðar á þeim.