Ragnhildur Geirsdóttir til Landsbankans

Ragnhildur Geirsdóttir hefur verið ráðin framkvæmdastjóri Rekstrar- og upplýsingatæknisviðs hjá Landsbankanum og tekur strax til starfa. Framkvæmdastjórar bankans eru því sjö, fjórar konur og þrír karlar.

Tilkynnt var um stofnun Rekstrar- og upplýsingatæknisviðs Landsbankans 27. september samhliða öðrum viðamiklum skipulagsbreytingum. Hið nýja svið hefur með höndum rekstur, viðhald og þróun á öllum tölvu- og upplýsingakerfum bankans, rekstur og umsjón með fasteignum og lána- og viðskiptaumsjón auk þess að sjá um fullnustueignir bankans. Á sviðinu starfa um 350 manns.

Ragnhildur Geirsdóttir hefur umtalsverða reynslu úr atvinnulífinu og var meðal annars um tíma forstjóri Icelandair.