25 þúsund vilja betra líf - Bubbi býður á tónleika

Vel yfir 25 þúsund manns hafa nú skrifað undir kröfuna um betra líf tilhanda þolendum áfengis- og vímuefnavandans samkvæmt grein sem birtist á heimasíðu sáá.

Þar segir að krafan er um að 10 prósent af áfengisgjaldinu verði notað til að byggja upp úrræði fyrir verst settu áfengis- og vímuefnasjúklingana, endurhæfingarúrræði fyrir fólk í slæmri félagslegri stöðu eftir meðferð og úrræði fyrir börn alkóhólista sem alast upp við mikið álag vegna veikinda foreldra sinna. Talið er að áfengissjúklingar greiði um 6 til 7 milljarða króna árlega í áfengisgjald en tillagan nær aðeins til hluta þeirrar fjárhæðar.

Til að fagna góðum árangri bíður Bubbi Morthens öllum stuðningsmönnum betra lífs til tónleika í kvöld, laugardaginn 10. nóvember, klukkan níu. Tónleikar Bubba eru í Edrúhöllinni, húsi SÁÁ við Efstaleiti 7. Þeir hefjast klukkan níu en húsið opnar klukkan hálf átta.