Alcoa styrkir þjóðgarðsverði til vesturfarar

Alcoa stofnunin, sem er í eigu móðurfélags Fjarðaáls, hefur ákveðið að styrkja íslenska þjóðgarðsverði fjárhagslega svo þeir geti heimsótt þjóðgarða í Bandaríkjunum og kynnt sér starfsemi þeirra og hvernig þeim er stjórnað.

Alls er um 116.000 dollara styrk að ræða eða um 15 milljónir króna. Fjallað er um málið á vefsíðu knoxnews. Þar segir að í framhaldi af þessari styrkveitingu fari nú fram umræða um stofnun systurþjóðgarða milli Íslands og Bandaríkjanna. Yrði þar um að ræða samvinnu þjóðgarðsins við Vatnajökul, sem er sá stærsti sinnar tegundar í Evrópu, og Great Smokey Mountains þjóðgarðsins í Bandaríkjunum.