Aurum valin Besta verslun ársins 2011

Njarðarskjöldurinn var afhentur við hátíðlega athöfn í Hörpunni á fimmtudaginn var. Verslunin Aurum við Bankastræti hlaut skjöldinn í þetta sinn.

Njarðarskjöldurinn eru hvatningarverðlaun Reykjavíkurborgar og samstarfsaðila og eru veitt árlega til þeirrar verslunar sem þykir hafa skarað fram úr í þjónustu við ferðamenn.

Skartgripa- og hönnunarverslunin Aurum hlaut titilinn Besta verslun ársins 2011 og tískuverslunin Nostalgía hlaut Freyjusómann, verðlaun sem veitt eru fyrir ferskan andblæ í verslunarflóru borgarinnar.

Fjölmenni var á athöfninni eins og sjá má á myndunum.

Hægt er að fletta myndasafninu með því að smella á myndina hér fyrir ofan. -sm